Чехия Республикасы Прага қаласында 2023 жылы 6 қазанда Afry CZ S. R. O., атқарушы директорі Петр Қошанмен және Арыстан Масанов «Қазақ жол қозғалысы қауіпсіздігі ғылыми-зерттеу институтының» директоры арасында өзара түсіністік туралы Меморандумға қол қойылды.
AFRY тарихы 1895 жылдан басталады. 125 жылдан астам уақыт бойы компания бірнеше ірі технологиялық өзгерістерге, соның ішінде электр қуатына, автоматтандыруға және цифрландыруға қатысып, өнеркәсіптік трансформацияның алдыңғы қатарында болды. AFRY қазір технологияның пионері және тұрақтылыққа көшудің жетекші серіктесі болып табылады. Компания сутегі, айдалатын қоймалар, теңіздегі жел, электр қуатын тасымалдау, биотехнологиялық материалдар, металдар, тау-кен өнеркәсібі және жол қауіпсіздігі саласында жетекші орындарға ие.
Екі компания да бір-бірімен жақсы таныс және 2020-2021 жылдары бір маңызды жобаны – Дүниежүзілік банк қаржыландыратын «Қазақстан Республикасындағы жол-көлік инфрақұрылымының қауіпсіздігін бағалаудың Еуропалық бағдарламасын іске асыруды» сәтті аяқтады. 2022 жылдың желтоқсан айынан бастап компаниялар ЕҚДБ қаржыландыратын «Стратегиялық жолдар желісіндегі тәуекелдерді стратегиялық бағалау» жобасын бірлесіп жүзеге асыруда және оны 2023 жылдың желтоқсанында аяқтауды күтуде.
AFRY және ҚазЖҚҚҒЗИ арасындағы осы Өзара түсіністік туралы меморандумның (ӨТТМ) мақсаты жол қозғалысы қауіпсіздігі саласындағы және басқа да салалардағы ынтымақтастықты дамыту болып табылады.
