«Қазақ жол қозғалысы қауіпсіздігі ғылыми-зерттеу институты» ЖШС (ҚазЖҚҚҒЗИ) директоры, International Road Federation (IRF) жол қозғалысы қауіпсіздігі жөніндегі техникалық комитетінің мүшесі Арыстан Масанов 2026 жылғы 13 қаңтарда Вашингтон қаласында (АҚШ) өткен IRF Fellows Reunion Reception іс-шарасына қатысты.
Іс-шара IRF Fellows қауымдастығының мүшелерін - жол инфрақұрылымы, көлік саясаты және жол қозғалысы қауіпсіздігін қамтамасыз ету салаларындағы жетекші халықаралық сарапшылар мен кәсіби мамандарды біріктірді. Кездесу бейресми, бірақ мазмұнды кәсіби қарым-қатынасқа, тәжірибе алмасуға және жол саласын дамытудағы өзекті жаһандық үрдістер мен сын-қатерлерді талқылауға арналған маңызды алаңға айналды.
IRF Fellows Reunion іс-шарасына қатысу жол қозғалысы қауіпсіздігін арттырудың заманауи жүйелі және тәуекелге бағдарланған тәсілдерін, тұрақты әрі қауіпсіз жол инфрақұрылымын дамыту мәселелерін, сондай-ақ ғылыми негізделген шешімдерді жол қауіпсіздігін басқару тәжірибесіне енгізу мәселелерін талқылауға мүмкіндік берді. Жол қозғалысы қауіпсіздігі саласындағы ұсынымдар мен стандарттарды қалыптастырудағы халықаралық сарапшылар қауымдастықтары мен техникалық комитеттердің рөліне ерекше назар аударылды.
ҚазЖҚҚҒЗИ IRF іс-шараларына қатысуды және өз өкілдерінің Федерацияның техникалық комитеттеріндегі жұмысын білім трансферіне, үздік әлемдік тәжірибені бейімдеуге және Қазақстан Республикасында жол қозғалысы қауіпсіздігі саласындағы шешімдердің тиімділігін арттыруға бағытталған халықаралық ынтымақтастықтың маңызды элементі ретінде қарастырады.
