2024 жылғы 26 ақпаннан 1 наурызға дейін Қырғыз Республикасының Бішкек қаласында Жол қозғалысы қауіпсіздігі саласындағы әлеуетті арттыру бағдарламасы аясында практикалық семинар өтті: Жол қозғалысы қауіпсіздігі және тұрақты ұтқырлық жөніндегі CAREC курсы.
Іс-шараға Орталық Азия елдерінің мемлекеттік қызметшілері, Люк Роджерс, Дэвид Клифф сияқты жол қозғалысы қауіпсіздігі жөніндегі әлемнің жетекші сарапшылары және басқалар қатысты. Автомобиль жолдарының қауіпсіздігін арттыру жөніндегі соңғы жаңалықтар мен инновациялар таныстырылды. «ҚазЖҚҚҒЗИ» ЖШС директоры Арыстан Масанов та Қазақстандағы ағымдағы жағдай және жол қозғалысы қауіпсіздігін жақсарту үшін қабылданып жатқан шаралар туралы баяндама жасады.
