2025 жылғы 16 шілдеде Астанада ҚР Көлік министрлігі Автомобиль жолдары комитеті төрағасының орынбасары А. М. Габдуллинаның төрағалығымен Қазақстан Республикасының Жол қозғалысы қауіпсіздігі стратегиясының жобасын талқылауға арналған стратегиялық сессия өтті.
Іс-шараның модераторы - «Қазақ жол қозғалысы қауіпсіздігі ғылыми-зерттеу институты» ЖШС (ҚазЖҚҚҒЗИ) директоры Арыстан Жоланұлы Масанов. Сессия процестің барлық негізгі қатысушыларының қатысуымен белсенді әрі сындарлы форматта өтті.
Іс-шараға Көлік министрлігінің, Денсаулық сақтау министрлігінің, Бас прокуратураның, Төтенше жағдайлар министрлігінің, ғылыми-зерттеу институттарының өкілдері, сондай-ақ саланың жетекші сарапшылары мен мүдделі ұйымдар қатысты.
Спикерлер елдегі жол-көлік жағдайының қазіргі ахуалы және жол қозғалысы қауіпсіздігін басқарудағы (ЖҚҚБ) проблемалар туралы баяндама жасап, 2026-2031 жылдарға арналған Стратегия жобасының құрылымы мен тұжырымдамалық көзқарасын ұсынды. Ұзақ мерзімді мақсат - 2050 жылға қарай жолдарда қаза тапқандар санын нөлге жеткізу. Негізгі назар тәуекелге бағдарланған тәсілге, цифрландыруға, тұрақты қаржыландыруға және ведомствоаралық өзара іс-қимылға аударылған.
