Академик Б. Б. Телтаевтың төрағалығымен өткен отырыс көлік саласын дамытудың өзекті бағыттарын, соның ішінде Қазақстан Республикасының 2050 жылға дейінгі жол қозғалысы қауіпсіздігін қамтамасыз етудің ұлттық стратегиясының жобасын және 2027-2030 жылдарға арналған Секторлық бағдарламаны талқылауға арналды.
Секция жұмысына мемлекеттік органдардың, соның ішінде ҚР ІІМ Әкімшілік полиция комитетінің өкілдері, ғылыми-зерттеу институттары мен жоғары оқу орындарының басшылары мен мамандары, сондай-ақ көлік және жол қауіпсіздігі саласындағы жетекші сарапшылар қатысты.
«ҚазЖҚҚҒЗИ» ЖШС атынан директор Арыстан Масанов баяндама жасап, Қазақстан Республикасының 2050 жылға дейінгі жол қозғалысы қауіпсіздігін қамтамасыз етудің ұлттық стратегиясы жобасының тұжырымдамалық тәсілдері мен негізгі ережелерін таныстырды. Ол өз сөзінде құжаттың Қауіпсіз жүйе (Safe System Approach) қағидаттары мен Vision Zero жаһандық бастамаларына сәйкес әзірленгенін, сондай-ақ БҰҰ-ның Тұрақты даму мақсаттарымен (SDGs) үйлестірілгенін атап өтті.
Стратегияда қауіпсіз көлік ортасын құруға, жол-көлік оқиғаларының алдын алуға және ел жолдарындағы өлім-жітім мен жарақаттану деңгейін нөлге дейін төмендетуге ерекше назар аударылған.
Отырыс қорытындысы бойынша қатысушылар стратегияны іске асыру азаматтардың өмірі мен денсаулығын сақтауға, көлік жүйесінің орнықтылығын арттыруға және саланың ғылыми-техникалық әлеуетін нығайтуға бағытталған мемлекеттік саясаттың аса маңызды бағыты екенін атап өтті.
Секция төрағасы академик Б. Б. Телтаев қорытынды сөзінде былай деді:
«Жол қозғалысы қауіпсіздігін қамтамасыз ету стратегиясын әзірлеу және іске асыру мемлекеттің стратегиялық дамуының ажырамас бөлігі болып табылады. Бұл азаматтардың өмірі мен денсаулығын сақтауға, сондай-ақ Қазақстанның көлік жүйесінің қауіпсіздігі мен орнықтылығын арттыруға бағытталған кешенді міндет».
