Қазақстан жолдарындағы өлім-жітімнің жоғары деңгейі маңызды мәселе болып қала береді. Ел Президенті Қасым-Жомарт Тоқаев атап өткендей: «Жолдағы өлім-жітім деңгейі әлі де жоғары. Қазақстанда жол-көлік оқиғасынан қаза табу ықтималдығы Еуропа елдерімен салыстырғанда 11 есе жоғары. Біз бұл мәселені Парламентте де, Үкіметте де талқыладық. Алайда ол әлі шешілмей, өзекті күйінде қалып отыр. Қаза тапқан адамдардың саны ірі қарулы қақтығыстардағы, тіпті соғыстардағы шығынмен салыстыруға келеді».
Жолдардағы өлім-жітім деңгейін төмендету мақсатында мемлекет «Шығыс - Батыс» жолдарды дамыту жобасын әзірледі. Ол Қазақстан Республикасында Жол инфрақұрылымын бағалаудың еуропалық бағдарламасын енгізуді қамтиды, оның тапсырыс берушісі - Қазақстан Республикасы Индустрия және инфрақұрылымдық даму министрлігінің Автомобиль жолдары комитеті. Жұмысты 2020 жылғы қаңтардан 2021 жылғы маусымға дейін швед SweRoad компаниясы мен Қазақ жол қозғалысы қауіпсіздігі ғылыми-зерттеу институты (ҚазЖҚҚҒЗИ) орындайды.
Мақаланың толық нұсқасын мына сілтеме бойынша оқуға болады - https://www.kp.kz/daily/27159/4258556/